Qashqadaryoda xotinini rashk qilgan er uni motorli arra bilan o‘ldirdi

Holat yuzasidan jinoyat ishi qo‘zg‘atilgan. Gumondor protsessual tarzda ushlangan.

Foto: Videodan kadr

Qashqadaryo viloyati Qarshi tumanida xotinini rashk qilgan erkak unga motorli arra (benzopila) bilan jarohat yetkazib, ayolning o‘limiga sabab bo‘lgan.

Bosh prokuratura matbuot kotibining Kun.uz’ga ma’lum qilishicha, hodisa 2023 yil 25 yanvar kuni soat 11:30 larda Qarshi tumanida sodir bo‘lgan.

Qarshi tumani, Taraqqiyot mahallasida yashovchi 40 yoshli shaxs yashash uyida turmush o‘rtog‘i 36 yoshli ayol bilan rashk sababli o‘zaro janjallashgan.

Janjal davomida erkak motorli arra bilan ayolning orqa yelka va bo‘yin aralash sohasiga bir necha marta urib, og‘ir tan jarohati yetkazgan. Oqibatda ayol shifoxonada vafot etgan.

Qayd etilishicha, 2023 yil 25 yanvar kuni Qarshi tuman prokuraturasi tomonidan erkakka nisbatan Jinoyat kodeksining 97-moddasi 1-qismi bilan jinoyat ishi qo‘zg‘atilgan. U Jinoyat-protsessual kodeksning 221-moddasi tartibida ushlangan.

#jinoyat #Qarshi tumani