Тошкентнинг Юнусобод тумани Амир Темур кўчаси Хотира майдони қаршисида учта автомобил иштирокида ЙТҲ рўй берди.
Фото: Тошкент шаҳар ИИББ ЙҲХБ
Шаҳар ИИББ ЙҲХБнинг маълум қилишича, 18 феврал соат 19:30 да Cobalt, Spark, Gentra ва Matiz иштирокида тўқнашув содир бўлган.
Натижада Cobalt'да ёнғин чиққан. ФВВ ходимлари ёнғинни ўчирган.
Ҳодиса оқибатида Cobalt ҳамда Matiz ҳайдовчилари жароҳат олган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
“Барча ҳайдовчилардан белгиланган қоидаларга амал қилишларини сўраймиз”, – дейилади ЙҲХБ ахборотида.
