Serxio Ramos Ispaniya milliy jamoasidagi faoliyatini yakunladi

«Bugun ertalab yangi bosh murabbiydan qo‘ng‘iroq bo‘ldi va u men qanday o‘yin namoyish etmay, baribir milliy jamoada uning rejalaridan o‘rin olmasligimni ma’lum qildi. Kelajakda ham meni chaqirmasligini tushuntirdi. Afsuski, men hali davom etishiga umid qilgan sarguzashtim qisqaroq bo‘ladigan bo‘ldi.

Fikrimcha, milliy jamoadagi ajoyib sarguzashtim yoshim bilan bog‘liq sabab bilan emas, o‘z qarorimga ko‘ra yakunlanishga munosib. 

Messi, Modrich va Pepe singari o‘yinchilarga qoyil qolaman, havas qilaman, ammo endi menda bunday bo‘lmaydi. 

O‘z mamlakati bosh jamoasi sha’nini 180 marotaba sharaf bilan himoya qilgan shaxs sifatida milliy jamoamizni endi chetdan qo‘llab-quvvatlashda davom etaman. Shuncha yil menga doim ishongan barchaga chin qalbdan rahmat!», - deya yozadi Serxio Ramos ijtimoiy tarmoqlardagi sahifalarida.

Seguiré animando a mi país desde casa con la emoción del privilegiado que ha podido representarlo orgulloso 180 veces. ¡Gracias de corazón a todos los que siempre creísteis en mí! ❤️💛❤️ pic.twitter.com/KzVldPhiqo

— Sergio Ramos (@SergioRamos) February 23, 2023

Eslatib o‘tamiz, 36 yoshli himoyachi 2005-2021 yillar davomida Ispaniya milliy jamoasi sharafini himoya qilgan. U 180 o‘yinda maydonga tushib, Ispaniya safida JCh-2010 g‘olibi va ikki karra Yevropa chempionligini qo‘lga kiritgan.