Vazirlar Mahkamasi 2023 yil uchun statistika dasturini tasdiqladi

Dastur o‘zida quyidagi tashkilotlar tomonidan shakllanadigan statistika ma’lumotlari ro‘yxatini aks ettiradi:

Prezident huzuridagi Statistika agentligi;

rasmiy statistikani tayyorlovchilar (milliy statistika tizimining bir qismi bo‘lgan  davlat boshqaruvi organlari va (yoki) ularning bo‘linmalari);

ma’muriy ma’lumotlarni yetkazib beruvchilar (ma’lumotlarni rasmiy statistikani tayyorlovchilarga taqdim etuvchi davlat va xo‘jalik boshqaruvi organlari, shuningdek mahalliy ijro etuvchi hokimiyat organlari).
 
Ma’lumot uchun: bir yillik statistika dasturi ko‘p yillik statistika dasturini bajarish maqsadida ishlab chiqiladi.

Bir yillik statistika dasturida quyidagi vazifalar nazarda tutiladi: 

rasmiy statistikani rivojlantirishning ustuvor yo‘nalishlarini belgilash;

rasmiy statistikani tayyorlovchilar tomonidan o‘tkazilishi lozim bo‘lgan statistika kuzatuvlarini tashkil etish;

ma’muriy ma’lumotlarni tayyorlash va rasmiy statistikani tayyorlovchilarga taqdim etish;

statistika registrlarini ishlab chiqish va yuritish;

rasmiy statistikani tarqatish. 

Bir yillik statistika dasturi har bir rasmiy statistikani tayyorlovchi tomonidan ishlab chiqiladigan va tarqatiladigan statistika ma’lumotlarining ularni bajarish davriyligi hamda muddatlari ko‘rsatilgan holdagi ro‘yxatini o‘z ichiga oladi.

Statistika dasturida belgilangan ishlarni amalga oshirish uchun respublika budjetidan 195,2 mlrd so‘m ajratiladi.