Davlat mulkini bo‘lib-bo‘lib to‘lash sharti bilan olganlar uning to‘langan qismidan foydalanishi mumkin bo‘ladi

Qator normativ-huquqiy hujjatlarga quyidagilarni nazarda tutuvchi o‘zgartirishlar kiritilmoqda:

• davlat aktivlarini E-auksion elektron platformasiga chiqarilganda va ularni baholash xalqaro nufuzga ega auditorlik kompaniyalari tomonidan amalga oshirilganda, baholash hisobotini majburiy tartibda ekspertizadan o‘tkazish talabini bekor qilish;
• davlat aktivlari bo‘lib-bo‘lib to‘lash sharti bilan sotilganda, Markaziy bankning asosiy stavkasi bo‘yicha foizlarni hisoblash va to‘langan qismiga davlat aktividan foydalanish huquqini berish tartibini belgilash;
• savdolarda davlat aktivini sotib olishga 2 oy mobaynida talabnoma tushmagan taqdirda narxni bosqichma-bosqich pasaytirib borish (Davlat mulkini sotishda tender savdolarini o‘tkazish bo‘yicha davlat komissiya tomonidan belgilanadigan mexanizmlarga asosan).