Rossiya Baxmut atrofidagi shaharlarga zarba bermoqda, Ukraina HIMARS bilan javob qaytardi. Urush suratlari

Ukrainada urushning 388-kuni o‘tdi. Asosiy ma’lumotlar:

Putin uch yil ichida ilk bor annexia qilingan Qrim yarimoroliga keldi. Bu Ukrainaning ushbu hududi Rossiya tarkibiga qo‘shib olinganining to‘qqiz yilligida ro‘y berdi. Sevastopol gubernatori Mixail Razvojayev prezidentning tashrifini kutilmagan deb atagan va Putin avtomobilni o‘zi boshqarganini aytgan.
Rossiya prezidenti ko‘p o‘tmay Ukrainaning Mariupol shahrida ham ko‘rinish berdi. Bu uning Donbassga ilk bor kelishi bo‘ldi.
AQSh Qora dengiz ustida parvozlarni tikladi, bu jarayon amerikaliklar droni Rossiyaning Su-27 qiruvchisi bilan to‘qnashib qulashidan keyin to‘xtatilgandi.
AQShning sobiq prezidenti Donald Tramp 21 mart kuni moliyaviy firibgarlik ishi bo‘yicha hibsga olinishi mumkinligini aytdi va tarafdorlarini namoyishlar o‘tkazishga chaqirdi
AQSh Ukrainadagi urush boshlanganidan keyin to‘xtatilgan Rossiyaga deportatsiya amaliyotini tikladi. Lekin bu haqda mahalliy rasmiylar rasman e’lon qilishmagan. Ammo 18 mart kuni ma’lum bo‘lishicha, bir necha kun oldin AQShdan bir necha kishi Rossiyaga qaytarib yuborilgan, bular safarbarlikdan qochganlar va boshpana olishga uringanlar edi.

Kramatorsk