17:39 / 29.03.2023
5461

Viloyat hokimlariga milliy PR markazi filiallarini tashkil etish vazifasi yuklandi

Foto: Prezident matbuot xizmati

Prezident Shavkat Mirziyoyev raisligida turizm salohiyatini rivojlantirish yuzasidan videoselektor yig‘ilishi bo‘lib o‘tdi.

Yig‘ilishda viloyat hokimlari o‘zining hududini xorijda keng targ‘ib qilishga o‘rganishi kerakligi ko‘rsatib o‘tildi. Buning uchun viloyat hokimlari turoperatorlarni jalb etib, PR markazi filiallarini tashkil qiladi. 

Ular:

  • har bir viloyatning “tashrif qog‘ozi”ni ishlab chiqadi;
  • Toshkent shahri hamda hududlardagi aeroport, vokzallar va mehmonxonalarda “turizm bekatlari”ni tashkil qiladi;
  • har bir viloyatning o‘zi uchun xos bo‘lgan “mavsumiy turistik paketi”ni tayyorlaydi;
  • festival va konsertlar o‘tkazish grafigini tasdiqlab, nafaqat mahalliy, balki xorijiy sayyohlar uchun ham e’lon qiladi.

Yig‘ilish yakunida mutasaddilarning axboroti eshitildi.

Top