Politico: YeIning Ukraina uchun birgalikda o‘q-dorilar sotib olish rejasi to‘xtab qoldi

Yevropa Ittifoqi Ukraina yetarlicha o‘q-dorilar bilan ta’minlanishi kerak bo‘lgan tarixiy kelishuvni e’lon qilganidan ikki hafta o‘tib, YeI davlatlari hali ham qarorni qanday amalga oshirish bo‘yicha huquqiy tafsilotlarni aniqlamoqda, deya xabar beradi Politico axborot manbalariga tayanib.

Foto: AP

Ukraina uchun birinchi turdagi o‘q-dorilarni qo‘shma xarid qilish rejasi uzoq davom etayotgan kelishmovchiliklar tufayli to‘xtab qoldi. Yevropa Ittifoqi elchilari 5 aprel kuni ushbu mavzuni muhokama qilish uchun uchrashgan, biroq asosiy masalalardan biri bo‘yicha katta muvaffaqiyatga erisha olmagan, deb tan oldi muzokaralardan xabardor bir necha diplomat.

Bahsning asosi, deb yozadi Politico, o‘q-dorilarni ishlab chiqarish bo‘yicha shartnomalar faqat Yevropa Ittifoqi kompaniyalari bilan tuziladimi (va ularni qonuniy ravishda qanday aniqlash kerak) yoki ular uchinchi tomon ishlab chiqaruvchilari uchun ham ochiq bo‘ladimi degan masalaga bog‘liq.

Fransiya pullar Yevropa Ittifoqi chegaralarida qolishi kerak degan fikrda, Gretsiya va Kipr Parijning pozitsiyasini qo‘llab-quvvatlamoqda.

Bu diplomatlarning so‘zlariga ko‘ra, turk ishlab chiqaruvchilari bilan shartnomalar tuzishdan qochish istagiga bog‘liq bo‘lishi mumkin.

Tayyorlagan: Отабек Матназаров

#Ukraina #o‘q-dori