Baxtiyor Saidov Lyuksemburgda Josep Borrel bilan muzokaralar o‘tkazdi

Foto: Tashqi ishlar vazirligi matbuot xizmati

O‘zbekiston tashqi ishlar vaziri va YeIning Tashqi ishlar va xavfsizlik siyosati bo‘yicha Oliy vakili, Yevrokomissiya vitse-prezidenti hamkorlikni kengaytirish masalalarini muhokama qildi.

Tashrif bilan Lyuksemburgda bo‘lib turgan O‘zbekiston tashqi ishlar vaziri Baxtiyor Saidov YeIning Tashqi ishlar va xavfsizlik siyosati bo‘yicha Oliy vakili, Yevropa Komissiyasi vitse-prezidenti Josep Borrel bilan muzokaralar o‘tkazdi.

Baxtiyor Saidovning Twitter sahifasida ma’lum qilishicha, Josep Borrel bilan o‘tkazilgan muzokaralarda Yevropa Ittifoqi - Markaziy Osiyo mintaqalararo aloqalari muhokama qilingan.

Bundan tashqari, O‘zbekistondagi muhim islohotlarni qo‘llab-quvvatlashda hamkorlikni kengaytirish masalalari ham ko‘rib chiqilgani aytiladi.