Бахтиёр Саидов Люксембургда Жосеп Боррел билан музокаралар ўтказди

Фото: Ташқи ишлар вазирлиги матбуот хизмати

Ўзбекистон ташқи ишлар вазири ва ЕИнинг Ташқи ишлар ва хавфсизлик сиёсати бўйича Олий вакили, Еврокомиссия вице-президенти ҳамкорликни кенгайтириш масалаларини муҳокама қилди.

Ташриф билан Люксембургда бўлиб турган Ўзбекистон ташқи ишлар вазири Бахтиёр Саидов ЕИнинг Ташқи ишлар ва хавфсизлик сиёсати бўйича Олий вакили, Европа Комиссияси вице-президенти Жосеп Боррел билан музокаралар ўтказди.

Бахтиёр Саидовнинг Twitter саҳифасида маълум қилишича, Жосеп Боррел билан ўтказилган музокараларда Европа Иттифоқи - Марказий Осиё минтақалараро алоқалари муҳокама қилинган.

Бундан ташқари, Ўзбекистондаги муҳим ислоҳотларни қўллаб-қувватлашда ҳамкорликни кенгайтириш масалалари ҳам кўриб чиқилгани айтилади.