O‘zbekiston tashqi ishlar vaziri Ukraina tashqi ishlar vaziri bilan uchrashuv o‘tkazdi

Baxtiyor Saidovning ma’lum qilishicha, uchrashuv Antaliya diplomatik forumi doirasida bo‘lib o‘tgan.

Foto: Baxtiyor Saidov / Telegram

O‘zbekiston tashqi ishlar vaziri Baxtiyor Saidov va Ukraina tashqi ishlar vaziri Andrey Sibiga o‘rtasida muzokaralar bo‘lib o‘tdi.

Baxtiyor Saidovning ma’lum qilishicha, uchrashuv Turkiyaning Antaliya shahrida o‘tkazilgan.

“Antaliya diplomatik forumi doirasida Ukraina tashqi ishlar vaziri Andrey Sibiga janoblari bilan uchrashdik”, – deb yozgan O‘zbekiston TIV rahbari o‘z Telegram-kanalida.

Qayd etilishicha, uchrashuvda ikki tomonlama munosabatlarning bugungi holati va istiqbollari muhokama qilingan.

“Savdo-iqtisodiy hamkorlikni kengaytirish, shuningdek, ishbilarmonlik aloqalarini qo‘llab-quvvatlash masalalariga alohida e’tibor qaratdik”, – deyiladi O‘zbekiston tashqi ishlar vaziri xabarida.