08:32 / 24.04.2023
4890

Boku Armaniston va Tog‘li Qorabog‘ o‘rtasida nazorat-o‘tkazish punkti o‘rnatdi

Boku Yerevanni harbiylar va o‘q-dorilarni Ozarboyjon hududiga o‘tkazishda aybladi. Tan olinmagan Tog‘li Qorabog‘da provokatsiyalar sodir etilgani haqida xabarlar bor.

Foto: AFP

Ozarboyjon davlat chegara xizmati Tog‘li Qorabog‘ va Armaniston o‘rtasida nazorat-o‘tkazish punkti tashkil etilganini ma’lum qildi. 23 aprel, yakshanba kuni Boku Yerevanni harbiylar, o‘q-dori va boshqa harbiy texnikalarni Armanistondan Ozarboyjon hududiga olib o‘tganlikda aybladi va ular “2020 yil 10 noyabrdagi uch tomonlama bayonotga zid ravishda” nazorat-o‘tkazish punkti o‘rnatishga majbur bo‘lganliklarini ma’lum qildi. 

Davlat chegara xizmati bayonotida, shuningdek, nazorat-o‘tkazish punkti bir kun avval Armaniston tomonidan xuddi shunday chegara punkti qurilganidan keyin Lochin-Xonkendi yo‘lining kirish qismida o‘rnatilgani ham ko‘rsatilgan. Rossiya tinchlikparvar kontingenti qo‘mondonligi va Rossiya-Turkiya monitoring markazi nazorat-o‘tkazish punkti o‘rnatilgani haqida ma’lum qildi.

Ozarboyjon Tashqi ishlar vazirligi 2020 yil 10 noyabrdagi uch tomonlama bayonotga zid ravishda Armaniston ikki yarim yil davomida Lochin-Xonkendi yo‘lidan noqonuniy foydalangani va u bilan bog‘liq xavfsizlik tahdidlari haqida ma’lum qildi. “Bunday noqonuniy xatti-harakatlarga Ozarboyjon hududida qolayotgan Armaniston qurolli kuchlari shaxsiy tarkibining rotatsiyasi, qurol-yarog‘ va o‘q-dorilarni olib o‘tish, terrorchilarning o‘tib ketishi, shuningdek, tabiiy resurslarni noqonuniy olib chiqib ketilishi va boshqalar misol bo‘la oladi”, - deydi Baku.

Bundan tashqari, Ozarboyjon TIV 22 aprel kuni mamlakat qurolli kuchlarining yuk mashinasi arman minasi tomonidan portlatilgani, natijada ozarboyjonlik uch nafar harbiy xizmatchi yaralangani haqida ma’lum qildi.

Mavzuga oid
Top