O‘zbekistondagi xorijiy investitsiyalar hajmida Xitoy ulushi eng ko‘p ekani ma’lum bo‘ldi

Yilning birinchi choragida o‘zlashtirilgan xorijiy investitsiya va kreditlarning qariyb 20 foizi Xitoyga tegishli.

Foto: iStock

Statistika agentligining dastlabki ma’lumotlariga ko‘ra, 2023 yilning yanvar-mart oylarida O‘zbekistonda asosiy kapitalga o‘zlashtirilgan investitsiyalar hajmi 56,6 trln so‘mni tashkil etgan.

Shundan asosiy kapitalga o‘zlashtirilgan xorijiy investitsiya va kreditlar 25,1 trln co‘m miqdorida qayd etilgan.

O‘zlashtirilgan xorijiy investitsiya va kreditlarning qariyb 20 foizi Xitoyga tegishli. Keyingi o‘rinlarni Rossiya (15,7 foiz) va Saudiya Arabistoni (13,5 foiz) egallagan.

O‘zlashtirilgan xorijiy investitsiya va kreditlar hajmida eng yuqori ulushga ega bo‘lgan investor davlatlar:

- Xitoy – 19,9 %

- Rossiya – 15,7 %

- Saudiya Arabistoni – 13,5 %

- Turkiya – 6,1 %

- Kipr – 5,4 %

- Germaniya – 3,3 %

- Shveytsariya – 3 %

- Singapur – 2,9 %

- Honkong – 2,8 %

- Buyuk Britaniya – 2,7 %.