Milliy gvardiyaning ayrim ma’muriy huquqbuzarliklarni aniqlash bo‘yicha vakolati IIB huquqi bilan tenglashtirildi 

O‘zbekiston prezidentining tegishli farmoniga muvofiq Milliy gvardiya zimmasiga ommaviy tadbirlar vaqtida, shuningdek, bog‘lar, xiyobonlar hamda bozorlarda jamoat xavfsizligi va tartibini saqlash vazifasi yuklatilgan.

Joriy yilning 12 may kunidan Milliy gvardiyaga Ma’muriy javobgarlik to‘g‘risidagi kodeksning 16 ta moddasi (183-, 184-2-, 184-3-, 185-, 185-, 185-, 186-, 187-, 188-, 188-1-, 188-2-, 188-3-, 189-, 189-1-, 191-, 192-) bo‘yicha ma’muriy huquqbuzarliklarni aniqlash vakolati berildi.

Endi Milliy gvardiya xizmatchilari tomonidan joyning o‘zida shaxsni aniqlash va elektron shaklda bayonnoma tuzish tartibi amalga oshiriladi hamda mazkur bayonnoma sudga yoki Milliy gvardiya mansabdor shaxslariga yuboriladi.

Ma’muriy huquqbuzarliklar bo‘yicha ko‘rsatilgan moddalarga ko‘ra, Ichki ishlar boshqarmasi va Milliy gvardiya organlari ishlarni ko‘rib chiqishda teng huquqlidir.