Chimkentda ish haqini ololmagan o‘zbekistonliklarga puli undirib berildi

Qozog‘istonning Chimkent shahrida ish haqini ololmay kelayotgan o‘zbekistonliklarga pullari undirib berildi. Bu haqda Tashqi mehnat migratsiyasi agentligi axborot xizmati xabar berdi.

Foto: Tashqi mehnat migratsiyasi

Agentlik ma’lumotlariga ko‘ra, Chimkent shahridagi ish beruvchi vaqtinchalik mehnat faoliyatini amalga oshirayotgan o‘zbekistonliklarning ish haqini bermasdan ishlatgan.

Tashqi mehnat migratsiyasi agentligining Chimkent shahridagi vakiliga ish haqini undirib berish maqsadida murojaat qilingan.

Murojaatga asosan, ish beruvchi bilan muzokara o‘tkazilib, fuqarolarning 6800 AQSh dollari miqdoridagi oylik maoshi undirib berilgan.