12:56 / 08.06.2023
5581

Shveytsariya Senati qurollarni Ukrainaga reeksport qilishga ruxsat berdi

Kantonlar kengashi Shveytsariya qurollarini import qiluvchi mamlakatlarga besh yildan so‘ng ularni qayta sotishga ruxsat berish haqida qaror qabul qildi.

Foto: Getty Images

Shveytsariya Senati (Kantonlar kengashi) qonunga o‘zgartirish kiritishni ma’qulladi, unga ko‘ra, Shveytsariya qurollarini harbiy mojarolarda ishtirok etayotgan mamlakatlarga reeksport qilish mamlakatning betarafligi konsepsiyasiga zid emas va unga ma’lum shartlar asosida ruxsat berilishi kerak. Bu haqda 7 iyun, chorshanba kuni chop etilgan Senat saytidagi press-relizda ma’lum qilindi.

Tegishli qaror uchun 22 senator yoqlab, 17 nafar senator qarshi ovoz berdi, yana to‘rt nafari betaraf qoldi.

Hozirda Shveytsariya qurollarini sotib olgan barcha davlatlar ishlab chiqaruvchining ruxsatisiz ularni eksport qilmaslik majburiyatini imzolaydi. Kantonlar kengashi "Shveytsariya qadriyatlariga xayrixoh bo‘lgan" import qiluvchi mamlakatlarga Shveytsariya roziligisiz besh yildan keyin qurollarni qayta sotishga ruxsat berilishi mumkin degan qarorga keldi. Shuningdek, qurollarni harbiy mojarolarda ishtirok etayotgan mamlakatlarga qayta sotish mumkin, ammo bunda ular o‘zini himoya qilayotgan bo‘lishi shart.

Endilikda tuzatish parlamentning ikkinchi palatasi – Shveytsariya Milliy kengashi tomonidan ko‘rib chiqilishi kerak. 2 iyun kuni u buni rad etgandi.

Mavzu
Rossiya-Ukraina urushi
2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.
Barchasi
Top