AQSh davlat qarzi birinchi marta 32 trillion dollardan oshdi, bu Vashington davlat xarajatlari uchun yangi kurashga tayyorgarlik ko‘rayotganida mamlakatning tashvishli moliyaviy trayektoriyasini ta’kidlaydi. Bu haqda The New York Times xabar bermoqda.
Foto: Xinhua
Nashrning bildirishicha, 32 trillion AQSh dollari ko‘rsatkichi pandemiyadan oldingi prognozlarda ko‘rsatilganidan to‘qqiz yil oldin qayd etilgan.
«Respublikachilar va demokratlar mamlakatning qarzi haqida xavotir bildirdilar, biroq hech bir partiya ijtimoiy ta’minot va tibbiy yordam xarajatlari kabi asosiy omillarni hal qilish istagini bildirmadi», dedi muallif Alan Reppeport.
Bundan tashqari, materialda yaqin 30 yil ichida Amerika Qo‘shma Shtatlarining qarzi 127 trillion dollarga oshishi haqidagi prognozlardan xavotir bildirgan Peterson jamg‘armasi eslatib o‘tiladi.
Iyun oyi boshida Qo‘shma Shtatlar Senati mamlakatda defoltning oldini olish uchun davlat qarzi chegarasini oshirish to‘g‘risidagi qonun loyihasini ma’qullagan edi.
