O‘zbekiston TIV rahbari Baxtiyor Saidov Malayziya elchisi Hendi Assanni qabul qildi.
Foto: Dunyo
«Malayziyaning O‘zbekistondagi favqulodda va muxtor elchisi sifatida diplomatik missiyasini yakunlayotgan Hendi Assan janoblari bilan uchrashdik», - deb yozdi O‘zbekiston TIV rahbari o‘zining Telegram-kanalida.
Vazir elchining mamlakatdagi o‘z faoliyati davrida ikki tomonlama munosabatlarda yangi sahifalar ochish borasidagi sa’y-harakatlarini yuqori baholagan.
«Uning kelgusidagi ishlariga muvaffaqiyatlar tilab qolamiz», deydi Baxtiyor Saidov.
Hendi Assan 2018 yilning avgust oyida o‘sha paytdagi tashqi ishlar vaziri Abdulaziz Komilovga ishonch yorliqlari nusxalarini taqdim etgandi.
