Ўзбекистон ТИВ раҳбари Бахтиёр Саидов Малайзия элчиси Ҳенди Ассанни қабул қилди.
Фото: Dunyo
«Малайзиянинг Ўзбекистондаги фавқулодда ва мухтор элчиси сифатида дипломатик миссиясини якунлаётган Ҳенди Ассан жаноблари билан учрашдик», - деб ёзди Ўзбекистон ТИВ раҳбари ўзининг Telegram-каналида.
Вазир элчининг мамлакатдаги ўз фаолияти даврида икки томонлама муносабатларда янги саҳифалар очиш борасидаги саъй-ҳаракатларини юқори баҳолаган.
«Унинг келгусидаги ишларига муваффақиятлар тилаб қоламиз», дейди Бахтиёр Саидов.
Ҳенди Ассан 2018 йилнинг август ойида ўша пайтдаги ташқи ишлар вазири Абдулазиз Комиловга ишонч ёрлиқлари нусхаларини тақдим этганди.
