«Kapitalbank» ATB va Raqobatni rivojlantirish va iste’molchilar huquqlarini himoya qilish qo‘mitasi hamkorlikda xayriya aksiyasini o‘tkazdi

Loyiha doirasida Toshkent shahridagi “Temir daftar” va “Ayollar daftarlari” ro‘yxatidagi 200 nafardan ortiq muhtoj, yetim va nogiron bolalarga «Kapitalbank» ATB tomonidan oziq-ovqat to‘plamlari berildi.

— O‘zbekiston fuqarolari farovonligini ta’minlash, jumladan, og‘ir ijtimoiy vaziyatga tushib qolgan yurtdoshlarimizga yordam ko‘rsatish bankimiz faoliyatining ajralmas qismidir, — deydi «Kapitalbank» ATB Kuzatuv kengashi raisi Maqsud Abdusamadov. — Va biz Raqobatni rivojlantirish va iste’molchilar huquqlarini himoya qilish qo‘mitasining ijtimoiy tashabbuslarini har doim qo‘llab-quvvatlashga tayyormiz. Ishonchim komilki, bu bizning birgalikda qilgan oxirgi loyihamiz emas va bizning birgalikda qilgan mehnatimiz tufayli yuzlab oilalarning hayoti yaxshilanadi. 

– Bizning e’tiborimiz mamlakatimiz aholisi muammolarini tizimli hal etishdir. Bu safar ishchi guruhimiz tomonidan poytaxtimizning Mirzo Ulug‘bek tumani aholisi muammolarni o‘rganib, ularni tizimli hal etish uchun kerakli ishlar amalga oshirildi, – deydi Raqobatni rivojlantirish va iste’molchilar huquqlarini himoya qilish qo‘mitasi vakili. – Hamkorlarimiz, jumladan, «Kapitalbank» ATB ko‘magi tufayli biz nafaqat tuman infratuzilmasini modernizatsiya qilish ishlarini olib bordik, balki muhtoj oilalarga ham manzilli yordam ko‘rsatdik.

Reklama