O‘zbekiston simli internet tezligi reytingida 24 pog‘ona ko‘tarilib, 131-o‘rinni egalladi
Simli internet tezligi 21,67 Mbit/s va bu ilg‘or davlatlarnikidan 10 barobar past.
Britaniyaning Cable.co.uk nashri xabariga ko‘ra, O‘zbekiston dunyo bo‘yicha keng polosali (simli) internet tezligi reytingida 24 pog‘ona ko‘tarildi va 131-o‘rinni egallab turibdi.
O‘zbekistondagi simli internet tezligi 21,67 Mbit/s ekani qayd etilgan, bu eng yuqori tezlikka ega mamlakatlardan 10 barobar past.
Reytingga ko‘ra, eng yuqori tezlik Britaniyaning Jyersi oroli (264,52 Mbit/s), Lixtenshteyn (246,76 Mbit/s) va Makaoda (231,40 Mbit/s) qayd etilgan.
Eng past tezlik Afg‘oniston (1,71 Mbit/s), Yaman (1,79 Mbit/s) va Suriyada (2,30 Mbit/s).
Raqamli texnologiyalar vaziri Sherzod Shermatov O‘zbekiston keng polosali (simli) internet tezligi reytingida 24 pog‘ona ko‘tarilgani haqidagi xabarga izoh berarkan, «Albatta, O‘zbekistonni IT habga aylantirish yo‘lida internet tezligini oshirish bo‘yicha hali juda ko‘p ish qilishimiz kerak», dedi.
Mavzuga oid
19:53 / 16.09.2024
O‘zbekiston AQSh bilan bojxona sohasidagi hamkorlikka oid bitimni imzoladi
20:49 / 02.09.2024
Rossiyaning O‘zbekistondagi elchisi respublika bilan aloqalarning rivojlanishi haqida gapirdi
21:53 / 19.08.2024
Pokiston hukumati mamlakatda internet tezligi pasayib ketishida foydalanuvchilarni aybladi
20:37 / 31.07.2024