Polsha va Litva Ukraina yuklarini tekshirishni Boltiqbo‘yi portlariga o‘tkazishni muhokama qilyapti

Nausedaning so‘zlariga ko‘ra, bunday qadam «logistika jarayonining o‘zini sezilarli darajada qisqartiradi va bizning (Boltiqbo‘yi mamlakatlari) Ukraina donini eksport qilish imkoniyatlarimizni sezilarli darajada oshiradi». 

Avvalroq Litva Rossiya «g‘alla bitimi»ni uzaytirishdan bosh tortgach, Yevropa Ittifoqiga Ukraina g‘allasini eksport qilish uchun Boltiq dengizidagi portlaridan foydalanishni taklif qilgandi. 

Litva vazirlarining Yevrokomissiyaga yo‘llagan maktubida aytilishicha, Boltiqbo‘yi portlari orqali yiliga 25 million tonna g‘alla tashilishi mumkin, bu esa ularni «Ukraina tovarlari, jumladan, g‘alla tranziti uchun ishonchli alternativ variantga» aylantiradi. 

Bundan tashqari, Litva vazirlari Yevropa komissiyasini Ukraina va Polsha chegarasi orqali quruqlik orqali g‘alla tashishga qo‘yilgan cheklovlarni bekor qilishga chaqirdi.