Apple yangi iPhone dasturiy ta’minotida qo‘ng‘iroqni tugatish tugmachasini ko‘chirishni rejalashtirmoqda, deb xabar beradi CNBC iOS 17 beta-versiyasiga tayanib. Unda kompaniya qo‘ng‘iroqlar ekranining pastki qismidagi qizil tugmani markazdan pastki o‘ng burchakka ko‘chirdi. Foydalanuvchilar ijtimoiy tarmoqlarda tugmachaning yangi joylashuviga ko‘nikishga to‘g‘ri kelishidan shikoyat qilmoqda.
Apple smartfonlari uchun operatsion tizimning yangi versiyasi so‘nggi yillardagi eng katta o‘zgarishlardan birini o‘z ichiga oladi. Bu uzoq vaqt davomida iPhone foydalanuvchilaridan mushak xotirasini mashq qilishni talab qiladi: iOS 17 beta-versiyalarida Apple «Qo‘ng‘iroqni tugatish» tugmachasini ekranning pastki qismidagi markazdan pastki o‘ng burchakka ko‘chirdi, deb xabar bermoqda CNBC.
iOS 17’da qizil qo‘ng‘iroqni tugatish tugmasi vertikal tugmalar qatorining pastki qismida, FaceTime chaqiruv tugmachalari va raqam terishga o‘tish uchun keyingi tugmalar qatorining orqasida joylashgan. Ijtimoiy tarmoqlardagi foydalanuvchilar bunday yangilikka munosabat bildirdi — ular tugmachaning yangi joylashuviga ko‘nikish uchun vaqt kerak bo‘lishi mumkinligini yozgan. Aksariyat foydalanuvchilar hali iOS 17’ga ega emas. U faqat beta-versiyada mavjud va Apple’ga xatolarni topishda yordam berishga tayyor odamlar uchun mo‘ljallangan.
Sentabr oyida yangi iPhone modellari e’lon qilinganidan keyin iOS 17 kuzda barcha iPhone foydalanuvchilari uchun taqdim etiladi. Yangilangan dasturiy ta’minot real vaqt rejimida ovozli pochta transkripsiyasini, foydalanuvchilarga terish paytida ko‘rsatiladigan boshqa shaxsning suratini tanlash imkonini beruvchi «kontakt kartalari»ni va qalinroq shriftlar bilan foydalanuvchi interfeysini o‘z ichiga oladi.
Apple tanish interfeysni birinchi marta o‘zgartirayotgani yo‘q, u avval ham tugmachalarni telefonning pastki qismiga yaqinroq joylashtirgan. Bu smartfon ekranlarining ortib borayotgan hajmiga nisbatan uni yanada ergonomik qiladi.
2021 yilda Apple iOS 15 beta-versiyasida Safari brauzerini o‘zgartirib, URL satrini pastki qismga qo‘yib, dizaynini yangiladi. Ammo so‘nggi versiya sentabr oyida chiqarilgan vaqtga kelib, Apple ba’zi o‘zgarishlarni bekor qildi va foydalanuvchilarga URL satrini sahifaning yuqori qismiga qaytarish imkonini berdi. Apple vakili qo‘ng‘iroqlar ekrani o‘zgaradimi va uni moslashtirish mumkinmi, degan savolga javob bermadi. 8 avgust, seshanba kuni kompaniya aksiyalari 0,53 foizga oshib, har bir aksiya uchun 179,8 dollarni tashkil qildi.
