Foto: Gazeta.uz
Bugun O‘zbekistondagi yetakchi ommaviy axborot vositalaridan biri, Gazeta.uz nashri tashkil topganiga 15 yil to‘ldi.
Saytga 2008 yil 11 avgustida Afisha Media rahbari Suren Sapov hamda tahririyat bosh muharriri Azamat Atajanov tomonidan asos solingan.
«Biz «Gazeta.uz»da turli vaqtlarda ishlagan va hozirda faoliyat yuritib kelayotgan xodimlar, shu jumladan, nashrning qiziqarli va talabgir bo‘lishida muhim rol o‘ynayotgan barcha mualliflardan minnatdormiz. Shuningdek, biz o‘quvchilarimizga tashakkur aytamiz, ularsiz bizning ishimizning ma’no-mazmuni bo‘lmas edi», — deydi sayt muharriri.
Kun.uz tahririyati o‘zbek jurnalistikasida katta o‘ringa ega saytni yubiley bilan qutlab, unga yangidan yangi muvaffaqiyatlar tilab qoladi.
