Hindistonning IndiGo, Polshaning LOT Polish Airlines va Malayziyaning Malinda Airways aviakompaniyalari O‘zbekistonga muntazam aviaqatnovlarni amalga oshirish uchun ruxsatnoma oldi.
O‘zbekiston va tegishli davlatlar o‘rtasida havo qatnovi to‘g‘risidagi hukumatlararo bitim asosida "O‘zaviatsiya" agentligi tomonidan qator aviatashuvchilarga O‘zbekistonga muntazam parvozlarni amalga oshirish uchun ekspluatatsion ruxsatnomalari berildi.
Ular:
- Hindistonning IndiGo aviakompaniyasiga Dehli - Toshkent - Dehli yo‘nalishida A-320NEO va A-321 NEO havo kemalarida;
- Polshaning LOT Polish Airlines aviakompaniyasiga Varshava - Toshkent - Varshava yo‘nalishida Boeing-737-8MAX havo kemasida;
- Malayziyaning Malinda Airways aviakompaniyasiga Kuala-Lumpur - Toshkent - Kuala-Lumpur yo‘nalishida A-330 havo kemasida.