Uzbekistan Airways boshqaruvida tayinlovlar amalga oshirildi

Aviakompaniya boshqaruv raisiga o‘rinbosarlar tayinlandi.

Foto: Kun.uz

O‘zbekiston prezidenti huzuridagi Strategik islohotlar agentligi qaroriga ko‘ra, Uzbekistan Airways aviakompaniyasi boshqaruvida bir qator tayinlovlar amalga oshirildi.

Jumladan:

- Sattarov Alisher Abduvoxobovich uch yil muddatga Uzbekistan Airways aksiyadorlik jamiyati boshqaruv raisining transformatsiya, moliyaviy va raqamlashtirish masalalari bo‘yicha birinchi o‘rinbosari;

- Ikramov Shaxzod Ilyasovich uch yil muddatga Uzbekistan Airways aksiyadorlik jamiyati boshqaruv raisining parvoz ishlarini tashkil etish bo‘yicha o‘rinbosari;

- Yadgarov Shuxratillo Shavkatovich uch yil muddatga aksiyadorlik jamiyati boshqaruv raisining Uzbekistan Airways tijorat va turizm bo‘yicha o‘rinbosari qilib tayinlandi.

Qayd qilish joiz, Strategik islohotlar agentligi Uzbekistan Airways aksiyadorlik jamiyatining ovoz beruvchi oddiy aksiyalariga ega bo‘lgan yagona aksiyadori hisoblanadi.