Oyda alyuminiy, oltingugurt va temir topildi 

Hindistonning «Pragyan» oyyurari sayyoramiz yo‘ldoshining janubiy qutbida oltingugurt bilan alyuminiy va temir kabi metallarni topdi. Bu haqda Hindiston kosmik tadqiqotlar tashkiloti (ISRO) xabar berdi. 

23 avgust kuni Oyga qo‘ngan hind oyyurari Yer tabiiy yo‘ldoshining janubiy qutbida oltingugurt borligini tasdiqladi. 

ISRO ma’lumotlariga ko‘ra, Oyda kislorod, temir, alyuminiy, kalsiy, xrom va boshqa elementlar ham topilgan. Shu bilan birga vodorod ham izlanmoqda. 

Hindistonning «Chandrayan-3» uchinchi oy ekspeditsiyasi 14 kunga mo‘ljallangan. 

Hindiston Oy yuzasiga kosmik apparatni muvaffaqiyatli qo‘ndirgan dunyoning to‘rtinchi davlatiga aylandi. Avvalroq, SSSR, AQSh va Xitoy buni uddalagan edi.