Qamchiq dovoni yo‘lining 100 km qismida intellektual transport tizimi joriy qilinadi 

2025 yilda A-373 «Toshkent – O‘sh» avtomobil yo‘lining Qamchiq dovonidan o‘tgan 100 km qismida pilot tariqasida intellektual transport tizimi joriy qilinadi. Bu haqda Avtomobil yo‘llari qo‘mitasi xabar berdi. 

Intellektual transport tizimi avtomobillar harakati vaqtida ularning vaznini o‘lchash imkonini beradi. 

Shuningdek, Buxoro viloyatida xalqaro ahamiyatga molik 87 km uzunlikdagi 4 ta yo‘lakli, sement-beton qoplamali avtomobil yo‘li rekonstruksiya qilinib, foydalanishga topshiriladi. Shuningdek, 110 km mahalliy ahamiyatdagi avtomobil yo‘llari kapital ta’mirlanadi. 

Shuningdek, davlat-xususiy sherikchilik asosida 2 ta katta loyihani amalga oshirish belgilangan. Bular, Toshkent – Andijon va Toshkent – Samarqand pullik avtomobil yo‘llari hisoblanadi. 

Qayd qilinishicha, 2023 yilda ushbu loyihalar uchun 175 mln dollar miqdorida mablag‘lar o‘zlashtirilishi ta’minlanadi.