Samaqanddagi Ipak yo‘li turizm markazida tashkillashtirilgan Kongressni sog‘liqni saqlash vaziri A.Inoyatov tabrik so‘zi bilan ochib berdi.
Shundan so‘ng yalpi yig‘ilish bo‘lib o‘tdi. Unda turli davlatdan kelgan olimlar chiqish qilishda. Turkiy tilli davlatlar oftalmologlari jamiyatining ham yig‘ilishi nazarda tutilgan.
Kongressda Respublikamizning yosh oftalmolog olimlarini o‘z ma’ruzalari bilan chiqishi uchun alohida seksiya tashkil etilgani ham muhim ahamiyat kasb etadi. Respublikamizning ham 500 dan ziyod oftalmologlari qatnashmoqda.
Anjuman yanada mazmunli va to‘laqonli o‘tishi ko‘zlangan bo‘lib dasturda oftalmologiyaning deyarli barcha yo‘nalishdagi dolzarb muammolari, keng tarqalgan ko‘z kasalliklari diagnostikasi va davolash usullari qamrab olingan, bu esa ishtirokchilarning yanada chuqurroq ilm olishi, tajriba almashishi, malakasini oshirishi imkonini yaratadi.
Jumladan, «Keratorefraksion kasalliklarga tashxis qo‘yish va davolashning innovatsion texnologiyalari», «Vitreoretinal interfeys kasalliklariga tashxis qo‘yish va davolashdagi yangiliklar», «Rekonstruktiv-tiklovchi jarrohlik», «Oftalmologik yordam ko‘rsatishni tashkillashtirish», «Glaukomaga tashxis qo‘yish va uni davolashdagi yangi istiqbollar», «Ko‘z gavhari kasalliklarini davolashdagi yangi texnologiyalar» kabi seksiyalarda olimlar fikr almashishini ko‘zda tutilgan.
Umuman, o‘zbekistonlik oftalmologlarning xalqaro aloqalari yildan yilga mustahkamlanib bormoqda. Jahon miqyosidagi anjumanning O‘zbekistonda o‘tkazilayotgani bejiz emas.
Bundan tashqari, shu yil Avstriyaning Vena shahrida o‘tkazilgan ESCRS-2023 xalqaro oftalmologlar Kongressida O‘zbekistondan 40 dan ziyod, Respublika ixtisoslashtirilgan ko‘z mikroxirurgiyasi ilmiy-amaliy tibbiyot markazining 8 nafar oftalmologlar ishtirok etdi. Niderlandiyaning Amsterdam shahrida o‘tkazilgan EURETINA-2023 xalqaro oftalmologlar kongressida O‘zbekistondan 5 nafar oftalmolog qatnashdi.
2018-2023 yillarda iarkaz mutaxassislarinig 50 nafari Fransiya, Turkiya, Armaniston, Avstriya, Qozog‘iston, Latviya, Koreya, Rossiya, Belorussiya kabi davlatlarda malaka oshirgan. Rossiya Turkiya, Isroil, Hindiston, Xitoy kabi davlatlardan jami 20 nafardan ziyod horijiy mutaxassislarning markazga tashrifi davomida 1000 dan ortiq murakkab jarrohlik amaliyotlari o‘tkazilgan.
