Kiyevdagi komendantlik soati va frontdagi artilleriyachilar. Urush suratlari
Ukrainada urushning 634-kuni o‘tdi. Asosiy ma’lumotlar:
Moskva oblastida dron urib tushirildi. Dron parchalari Gorkovskoye shossega qulagan. Moskva meri Sergey Sobyanin parchalar tushishi oqibatida vayrongarchiliklar va jabrlanganlar yo‘qligini ma’lum qilgan.
Rossiya qo‘shini Ukrainaning Kiyev, Chernihiv va Poltava oblastlariga uchuvchisiz uchar qurilmalar bilan hujum qildi. UQK ma’lumotiga ko‘ra, 20 drondan 15 tasi urib tushirilgan. Jabrlanganlar va jiddiy vayrongarchiliklar haqida xabar berilmagan.
RF armiyasi 2022 yil mayida Mariupolni egallaganidan keyin Rossiyaga olib ketilgan, 2023 yil kuzida esa Moskva oblastidagi harbiy komissariatda chaqiruv qog‘ozi olgan 18 yoshli Bogdan Yermoxin Ukrainaga qaytdi.
Xerson o‘qqa tutilishi oqibatida besh kishi, jumladan, uch yoshli bola ham jarohatlandi.