Uchrashuvda BAA, Falastin, Iordaniya, Jazoir, Kuvayt, Misr, Qatar, Saudiya Arabistoni va Ummon elchilari qatnashdi.
Foto: TIV
O‘zbekiston tashqi ishlar vaziri Baxtiyor Saidov arab davlatlari elchilari bilan uchrashdi.
«BAA, Falastin, Iordaniya, Jazoir, Kuvayt, Misr, Qatar, Saudiya Arabistoni va Ummonning O‘zbekistondagi elchilari bilan birgalikda ikki va ko‘p tomonlama aloqalarimizni yanada boyitish, yangi istiqbolli loyihalarni ishlab chiqish va amalga oshirish, davlatlarimiz oldida turgan mintaqaviy va global masalalarni hal etish, kelgusi yilga mo‘ljallangan rejalar yuzasidan samimiy va samarali fikr almashdik, - deb yozdi O‘zbekiston TIV rahbari o‘zining Telegram-kanalida.
O‘zbekiston tashqi ishlar vaziri 27 noyabr kuni mamlakatda akkreditatsiyadan o‘tgan Yevropa Ittifoqi va Yevropa davlatlari diplomatik missiyalari rahbarlarini qabul qildi.
