Bugun hamma xodimlar ishdan 1 soat vaqtli uyiga ketishi mumkin

Mehnat kodeksining 187-moddasiga ko‘ra, bayram kunlari arafasida har kunlik ishning (smenaning) davomiyligi barcha xodimlar uchun kamida 1 soatga qisqartiriladi.

Foto: Getty images

Ertaga 8 dekabr — O‘zbekiston Respublikasi Konstitutsiyasi kuni, ya’ni ishlanmaydigan bayram kuni.

Shu bois, bugun ishga chiqqan xodimlar 1 soat vaqtliroq uyiga ketishiga haqli.

Bayramdan oldingi kuni ishning (smenaning) davomiyligini qisqartirish imkoni bo‘lmagan uzluksiz ishlaydigan tashkilotlarda va ayrim turdagi ishlarda ortiqcha ishlaganlik xodimga qo‘shimcha dam olish vaqti berish yoki xodimning roziligi bilan ish vaqtidan tashqari ish uchun belgilangan normalar bo‘yicha haq to‘lash orqali kompensatsiya qilinadi.