Yevropa Ittifoqi migrantlarni qabul qilishning yangi qoidalarini kelishib oldi

Yevropa Ittifoqi migrantlarni qabul qilish xarajatlari va ishlarini tengroq taqsimlash, shuningdek, kelayotgan odamlar sonini cheklash uchun mo‘ljallangan yangi qoidalar bo‘yicha kelishuvga erishdi. Bu haqda Reuters xabar berdi. 

Nashrning yozishicha, Yevroparlament va YeI mamlakatlari hukumatlari vakillari kelasi yildan kuchga kirishi kerak bo‘lgan «Migratsiya va boshpana bo‘yicha yangi pakt» umumiy sarlavhasi ostidagi qonunlar bo‘yicha kelishuvga erishgan. 

Qoidalar noqonuniy migrantlarni Yevropa Ittifoqiga kelganida tekshirish, boshpana so‘rovlarini ko‘rib chiqish tartib-qoidalari, arizalarini ko‘rib chiqish uchun mas’ul bo‘lgan Yevropa Ittifoqi davlatini aniqlash qoidalari va muammolarni hal qilishni o‘z ichiga oladi. 

Ta’kidlanishicha, taqdim etilgan tekshirish tizimi xalqaro himoyaga muhtojlarni unga muhtoj bo‘lmaganlardan ajratish imkonini beradi. 

Shu tariqa, boshpana so‘rash da’volari muvaffaqiyatli bo‘lishi imkoniyati past odamlarning Yevropa Ittifoqiga kirishiga to‘sqinlik qilish va chegarada ushlash imkoniyati paydo bo‘ladi.