Toshkentda qurilish mollari konteyneri yonib ketdi

Bektemir tumanida qurilish materiallari solingan konteynerda yong‘in chiqdi.

Foto: Videodan kadr

Toshkent shahar Bektemir tumanida konteyner ichidagi qurilish mollari yonib ketdi. Bu haqda FVV axborot xizmati xabar berdi.

17 yanvar kuni soat 17:16 da Bektemir tumani, Porloq ko‘chasida joylashgan konteyner ichidagi qurilish mollari yonayotgani to‘g‘risida Toshkent shahar Favqulodda vaziyatlar boshqarmasiga xabar kelib tushgan. Yong‘inga 4 ta yong‘in qutqaruv ekipajlari soat 17:27 da yetib borib, soat 17:44 da yong‘in o‘rab olinib, 17:54 da batamom o‘chirilgan.

Yong‘in natijasida tan jarohati olgan va vafot etganlar yo‘q, yong‘in kelib chiqish sababi va zarar miqdori aniqlanmoqda.

#yong‘in #Bektemir tumani