Beruniy tumanidagi avtosalonda yong‘in sodir bo‘ldi

24 yanvar kuni soat 20:17 da Qoraqalpog‘iston Respublikasi, Beruniy tumani, «Shabbaz» ovulida joylashgan elektromobil avtosalonida yong‘in sodir bo‘ldi. 

Qayd qilinishicha, 3 ta yong‘in-qutqaruv ekipaji soat 20:23 da voqea joyiga yetib borib, soat 20:48 da hududni o‘rab olib, soat 21:08 da yong‘inni o‘chirgan. 

Yong‘in oqibatida avtosalonning 90 kv.m. maydoni tom qismi va bir dona BYD rusumli avtomobil yonib zararlangan. 

Yong‘in sababi va moddiy zarar miqdori aniqlanmoqda. 

Yong‘in oqibatida jismonan jabrlanganlar yo‘qligi ta’kidlanmoqda.