O‘zbekiston bo‘ylab hospislar tashkil etish taklif etilmoqda

Hospislarda og‘ir gematologik, onkologik va klinik immunologik kasalliklari bor bemorlarga palliativ yordam ko‘rsatiladi.

Davlat dasturi loyihasiga ko‘ra, hospislarni tashkil etish, ularning moddiy-texnik bazasini mustahkamlash va faoliyatiga doimiy ko‘maklashish loyihalari uchun Oliy Majlis huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondi tomonidan grantlar e’lon qilib borish va moliyalashtirish amaliyoti yo‘lga qo‘yilishi kutilmoqda.

Bu vazifa ijrosini Qoraqalpog‘iston Respublikasi Vazirlar Kengashi raisi, viloyatlar va Toshkent shahar hokimlariga yuklatish taklif etilgan.