OKMK yanvar oyida 31,1 mln dollarlik mahsulotlarni eksport qildi

Ishlab chiqarilayotgan mahsulotlar eksporti borasida 2024 yilning dastlabki oyida belgilangan prognozlar to‘liq bajarilishi ta’minlandi. 

Jumladan, 2024 yilning yanvar oyida 31,1 mln dollarlik mahsulotlar eksporti amalga oshirildi.

Yanvar oyida 24,0 ming tonna mis mahsulotlari, 964,0 tonna rux metali, 72,0 tonna molibden mahsulotlari va boshqa turdagi mahsulotlar xorijlik iste’molchilarga yuborildi.

Aytish joizki, kombinat mahsulotlari 20 dan ortiq davlatlarga eksport qilinmoqda. Yildan yil mahsulotlar eksport geografiyasi kengaymokda. Jumladan, 2023 yilda mis katankasi va mis kuporosi eksportida yangi bozorlar – Amerika Qo‘shma Shtatlari, Meksika va Finlyandiya kabi davlatlar o‘zlashtirildi.