Qozog‘istonda «Olmaota-Toshkent-Termiz» avtoyo‘lining ayrim qismlariga harakatlanish uchun cheklovlar kiritildi

Bugun Qozog‘istonda ob-havo sharoiti yomonlashishi, qor yog‘ishi, kuchli bo‘ron va shamol bo‘layotgani va ko‘rish cheklangani sababli mamlakatning 6 viloyatidagi respublika ahamiyatiga molik yo‘llarda barcha turdagi transportlar harakatiga cheklovlar kiritildi.

Foto: Muxtor Xoldorbekov/ Kazinform

Qozog‘istonning quyidagi olti viloyatida avtomobillar harakati cheklangan:

Abay viloyati — umumiy uzunligi 177 kilometr bo‘lgan Omsk-Maykapshagay» avtomobil yo‘li, Kalbatau- Bugaz qishloqlari;

Jambil viloyati — umumiy uzunligi 79 kilometr bo‘lgan «Olmaota-Toshkent-Termiz» avtomobil yo‘li, Kenen-Qaynar qishloqlari. Harakat eski Korday dovoni orqali amalga oshiriladi;

Jyetisu viloyati — umumiy uzunligi 100 kilometr bo‘lgan «Usharal-Dostik» avtomobil yo‘li. Ko‘ktuma stansiyasidan — Do‘stlik stansiyasigacha;

Kustanay viloyati — Ulitau viloyatida ob-havo sharoitining yomonlashishi munosabati bilan umumiy uzunligi 83 kilometr bo‘lgan «Jyezkazgan-Petropavlovsk» avtomobil yo‘li. Ulitau viloyati chegarasidagi Arkaliq shahrigacha;

Turkiston viloyati — umumiy uzunligi 106 kilometr bo‘lgan «Jizzax-Gagarin-Jyetisay-Sariagash-Jibekjoli» avtomobil yo‘li – Qizilasker – Chernyayevka qishloqlari. Faqat yuk tashish transportlari uchun.

Ulitau viloyati — umumiy uzunligi 115 kilometr bo‘lgan «Jyezkazgan-Petropavlovsk» avtomobil yo‘li. Ulitau qishlog‘idan Kustanay viloyati chegarasigacha.