O‘zbekiston va Ispaniya mis sanoatini rivojlantirishda hamkorlik qilishni boshlaydi

O‘zbekiston elchisi Farrux Tursunov Madrid shahrida xalqaro konsultant Fransisko Igualada bilan uchrashuv o‘tkazdi.

"Dunyo" xabariga ko‘ra, uchrashuv davomida Fransisko Igualada O‘zbekiston mis sanoati katta salohiyatga ega ekanligi, shuningdek, uranning katta zaxiralari tufayli mamlakat xorijiy investorlarda katta qiziqish uyg‘otayotgani haqida o‘z fikrlari bilan o‘rtoqlashdi.

Suhbat yakunida O‘zbekistonda tog‘-kon va mis sanoatini rivojlantirish hamda ikki mamlakat o‘rtasidagi amaliy hamkorlikni chuqurlashtirish bo‘yicha kelishuvga erishildi.