«Azimut» Rossiya aviakompaniyasining Toshkent vaqti bilan soat 05:10 da uchishi rejalashtirilgan A49086 (Namangan – Moskva) reysi texnik sabablarga ko‘ra 10 soatdan ortiq vaqtga kechiktirildi.
Foto: Uzbekistan Airports
Uzbekistan Airports xabariga ko‘ra, reys yo‘lovchilari aviakompaniya tomonidan mehmonxonaga joylashtirilgan va aeroportdan vaqtincha bo‘lish joyigacha transport bilan ta’minlangan.
Dastlabki ma’lumotlarga ko‘ra, A49086 reysi 2024 yil 28 fevral Toshkent vaqti bilan soat 15:30 ga ko‘chirilgan.
Parvoz jadvaliga kiritilgan o‘zgartirishlar to‘g‘risidagi batafsil ma’lumotlarni aviatashuvchidan olish mumkin.
