Lvivda tayyorlanayotgan dronlar va Odessadagi vayrongarchiliklar. Urush suratlari

Ukrainada urushning 739-kuni o‘tdi. Asosiy ma’lumotlar:

• Odessadagi turar joy binosiga rossiyaliklar droni zarbasi oqibatida halok bo‘lganlar soni 12 kishiga yetdi, qurbonlar orasida besh bola ham bor.
• Rossiya mudofaa vazirligi 3 martga o‘tar kechasi Qrim ustida 38 ta dron urib tushirilgani haqida xabar berdi. Ukraina tomoni buni izohlamagan.
• Volodimir Zelenskiy Ukraina qurolli kuchlari bosh qo‘mondoni Oleksandr Sirskiyga armiyada kadrlar o‘zgarishi bo‘yicha kart-blansh taqdim etdi.
• RF inson huquqlari bo‘yicha vakili Tatyana Moskalkova Il-76 halokati vaqtida halok bo‘lgan ukrain harbiy asirlarining jasadlari «yaqin vaqtlar ichida» Ukrainaga qaytarilishini ma’lum qildi.
• Donetsk oblastining Mirnograd va Pokrovsk shaharlarida RF armiyasining raketa zarbasi oqibatida besh kishi jarohatlandi.
• Donetsk oblastining Kuraxovo shahriga aviazarba yo‘llanishi oqibatida tinch aholi vakillaridan 16 nafari yaralangan.

Odessa rossiyaliklar droni hujumidan keyin

2 martga o‘tar kechasi rossiyaliklar droni Odessadagi ko‘p kvartirali uyga borib urildi: 3 mart kuni kechqurun berilgan ma’lumotlarga ko‘ra, 12 kishi zarba qurboni bo‘lgan, shundan besh nafari — bolalar. Quyida ushbu hujumdan keyin voqea joyida ish olib borgan ishchilar va qutqaruvchilar aks etgan.

Avdiyivka yaqinidagi Kuraxovo shahridagi vayrongarchilik

Kuraxovo — Donetsk oblastida rus qo‘shini fevral oyi o‘rtalarida to‘liq egallab olgan Avdiyivkadan 35 kilometr janubi-g‘arbda joylashgan shahar. So‘nggi bir necha oy davomida shiddatli janglar kechgan Avdiyivkaga yaqinligi tufayli Kuraxovo ham otishmalardan jiddiy jabrlangan. 3 mart kuni RF armiyasining shaharga hujumi oqibatida tinch aholi vakillaridan 16 kishi yaralandi. 

Chasiv Yar yaqinida ukrainlar tanki

Lvivda dronlar ishlab chiqarilishi