Turkiya Surxondaryoda fotoelektr stansiyasi qurishni rejalashtirmoqda
Surxondaryo viloyati hokimi Ulug‘bek Qosimov Turkiyaning quyosh elektr stansiyalari qurish faoliyati bilan shug‘ullanuvchi “Akgun enerji” kompaniyasi bosh direktori Kemal Gunay boshchiligidagi delegatsiyani qabul qildi.

Foto: Surxondaryo viloyati hokimligi axborot xizmati
Uchrashuvda O‘zbekiston va Turkiyaning hamkorlik aloqalari oliy darajada yo‘lga qo‘yilayotgani, har ikki mamlakat ishbilarmonlari tomonidan o‘zaro investitsiyalarni jalb qilish, istiqbolli loyihalarni amalga oshirish uchun barcha imkoniyatlar yaratilgani qayd etildi.
Turkiyalik investorlar Surxondaryo viloyati ob-havosi yilning asosiy qismida quyoshli bo‘lishi, keyingi yillarda tobora ehtiyoj ortib borayotgan energiya, jumladan, qayta tiklanuvchi elektr energiyasi manbalarini joriy etish uchun zarur imkoniyat va sharoitlarga ega ekanini ta’kidlab, vohada 100 MVt quvvatdagi quyosh fotoelektr stansiyasi qurish loyihasini taklif qildi.
Muzokaralar yakunida ikki tomon mutaxassislari ishtirokida loyihaning texnik-iqtisodiy imkoniyatlarini ko‘rib chiqish, takomillashtirish bo‘yicha ishlarni boshlashga kelishib olindi.
Mavzuga oid

15:12
Surxondaryoda Termiz muloqotining birinchi yig‘ilishi bo‘lib o‘tadi

20:52 / 15.05.2025
Shavkat Mirziyoyev Turkiya vitse-prezidenti bilan uchrashdi

02:31 / 15.05.2025
Putin Ukraina bilan muzokaralarda ishtirok etadigan delegatsiya tarkibini tasdiqladi

23:40 / 14.05.2025