08:20 / 22.05.2024
3961

Checheniston hukumati raisi Xuchiyev iste’foga chiqdi

Muslim Xuchiyev boshqa ishga o‘tmoqda, dedi Checheniston rahbari Ramzon Qodirov batafsil ma’lumot bermay. Hukumat raisi vazifasini Iso Tumhojiyev bajaradi.

Foto: Mikhail Tereshchenko/TASS/dpa/picture alliance

Checheniston hukumati raisi Muslim Xuchiyev iste’foga chiqdi. Bu haqda 21 may, seshanba kuni respublika rahbari Ramzon Qodirov ma’lum qildi. Unga ko‘ra, Xuchiyev boshqa ishga o‘tmoqda. Qodirov u aniq qayerga o‘tayotganiga aniqlik kiritmadi. Ijtimoiy tarmoqlarda Qodirovning kuyovi deb atalgan respublika avtomobil yo‘llari vaziri Iso Tumhojiyev hukumat raisi vazifasini bajaradi.

Xuchiyev 2018 yilning iyunidan buyon Checheniston oliy ijroiya organini boshqarib kelayotgandi. 2010-2012 va 2015-2018 yillarda Grozniy meri lavozimida ishlagan. 2019 yildan beri Xuchiyev AQSh sanksiyalari ostida. 2023 yilda u Yevropa Ittifoqi sanksiyalar ro‘yxatiga kiritilgan. Shu yilning mart oyida chechen davlat arbobi Yaponiya jazo choralariga uchradi.

Ahmad Qodirov - sport vaziri

Checheniston hukumatidagi kadrlar o‘zgarishi faqat rais almashishi bilan cheklanmadi. Shu kuni Ramzon Qodirovning o‘g‘li Ahmad respublika sport vaziri etib tayinlandi. Ilgari bu lavozimda ishlagan Iso Ibragimov Checheniston hukumati ma’muriyati rahbari o‘rinbosari lavozimiga o‘tkazildi. Bundan tashqari, Ramzan Vismurodov viloyat Yoshlar ishlari vazirligiga rahbarlik qiladi, Temirlan Xuchiyev esa respublika sanoat va energetika vaziri lavozimiga tayinlandi.

Bir necha kun avval Checheniston parlamenti raisi Magomed Daudov muddatidan oldin iste’foga chiqishini e’lon qilgan edi. U bu qarorga nima sabab bo‘lganini tushuntirmadi. Shaid Jamaldayev parlamentning yangi spikeri bo‘ldi.

Mavzuga oid
Top