Rossiyaning yana bir hududida migrantlarga taksi, umumiy ovqatlanish va savdo sohasida ishlash taqiqlandi
Yil boshidan buyon 20 ga yaqin hududda xorijliklarning mehnatiga cheklovlar joriy etildi.
![](https://storage.kun.uz/source/10/unFdouQhKq1Zy99UqXhW-sVrVpwhLMol.jpg)
Foto: RIA Novosti
Rossiyaning Tomsk viloyati gubernatori Vladimir Mazur 1 noyabrdan boshlab mintaqadagi mehnat migrantlari faoliyatini cheklovchi farmonni imzoladi.
Mazurning 18 iyul kuni ijtimoiy tarmoqda xabar berishicha, bu masala «antiterror komissiyasida milliy diaspora vakillarining bevosita ishtirokida» muhokama qilingan.
Tomsk viloyati ma’muriyati mehnat patentiga ega xorijliklarga oziq-ovqat ishlab chiqarish va taom tayyorlash, chakana savdo, taksida yo‘lovchi tashish, shahar va shahar atrofi transporti, mehmonxona va restoran biznesi, kadrlar tanlash, xavfsizlikni ta’minlash, umumiy, kasb-hunar va oliy ta’lim, jismoniy tarbiya va sport sohalarida ishlashni taqiqladi.
Viloyat rahbari hududiy korxonalarni «o‘z xodimlari tarkibini yangi qoidalarga muvofiqlashtirishga» chaqirdi.
Rossiya hududlarida 2015 yildan boshlab migrantlar mehnatiga cheklovlar joriy etilmoqda, dastlab bunday qarorni Perm o‘lkasi va Mari-El Respublikasi hukumatlari qabul qilgan.
Hozirgi vaqtda cheklovlar Rossiyaning taxminan har uchinchi mintaqasida qo‘llaniladi. 2024 yilda Rossiyaning 17 ta hududida cheklovlar (shu jumladan Tomsk viloyati) joriy etildi: Trans-Baykal o‘lkasi, Nenets avtonom okrugi, Nijniy Novgorod, Smolensk, Samara, Kemerovo, Voronej, Tula, Magadan, Kurgan, Novosibirsk, Novgorod, Kursk, Saratov, Lipetsk va Kostroma viloyati. Bundan tashqari, anneksiya qilingan Qrimda ham migrantlarning mehnatiga cheklovlar joriy etilgan. Aksariyat hududlarda migrantlarga taksi sohasida ishlash taqiqlangan.
Mavzuga oid
![](https://storage.kun.uz/source/thumbnails/_medium/10/qLWbaYOEsQBKN3yRY7rmwx33nL4g-xSt_medium.jpg)
20:59 / 07.09.2024
Rossiyadagi omborda o‘zbekistonlik ishchi halok bo‘ldi
![](https://storage.kun.uz/source/thumbnails/_medium/10/YAkQKullZcnyDAwIaMzuLVxpzQGtpARy_medium.jpg)
18:44 / 07.09.2024
Ukrainada halok bo‘lgan Rossiya armiyasi vakillari orasida o‘zbekistonliklar ham bor – OAV
![](https://storage.kun.uz/source/thumbnails/_medium/10/fxlETeUC1B3xkjGTR1P5fOzZAJYTo0TQ_medium.jpg)
15:14 / 07.09.2024
Litva Rossiya bilan chegaradagi ko‘prik mudofaasini mustahkamlamoqda
![](https://storage.kun.uz/source/thumbnails/_medium/10/Pqh9K9SiayDuT4BlmBsybJuc1nvhIEik_medium.jpg)
12:00 / 07.09.2024