Germaniyaning eng yirik kimyo zavodida portlash yuz berdi

Lyudvigshafenda joylashgan zavoddagi hodisada 14 kishi yengil tan jarohati olgani va yong‘in o‘chirilgani ta’kidlanmoqda.

Foto: Videodan kadr

Germaniyaning BASF neft-kimyo kompaniyasiga qarashli eng yirik zavodda portlash yuz berdi. Bu haqda konsern bayonotiga tayanib Bild xabar berdi.

Portlash mahalliy vaqt bilan soat 12:43 da sodir bo‘lgan, keyin yong‘in chiqqan. Aholi yoqimsiz hidlar tarqalishi va ko‘z og‘rig‘i paydo bo‘lishi mumkinligi haqida ogohlantirilgan. Voqea joyiga yaqin bo‘lgan fuqarolar ventilyator va konditsionerlarni o‘chirib, deraza va eshiklarni yopiq saqlashga chaqirilgan.

Lyudvigshafenda joylashgan zavoddagi hodisada 14 kishi yengil tan jarohati olgani va yong‘in o‘chirilgani ta’kidlanmoqda. Yong‘in sabablari noma’lum.

Tayyorlagan: Сардор Юсупов

#yong‘in #Germaniya #BASF