Boku Armaniston Naxchivondagi Ozarboyjon pozitsiyalarini o‘qqa tutgani haqida xabar berdi

Ozarboyjon armiyasining pozitsiyalari yana Armaniston qurolli kuchlari tomonidan o‘qqa tutildi. Bu haqda Ozarboyjon Mudofaa vazirligi xabarida aytiladi.

Xabarda aytilishicha, hodisa 16 avgust kuni mahalliy vaqt bilan taxminan 03:20 da sodir bo‘lgan.

Idora aniqlik kiritishicha, Ozarboyjon armiyasining Ozorbayjon Naxchivon Muxtor Respublikasi Sadarak tumani yo‘nalishida joylashgan pozitsiyalariga o‘q uzilgan.

Ozarboyjon Mudofaa vazirligi Ozarboyjon armiyasining bo‘linmalari ushbu yo‘nalishda tegishli javob choralarini ko‘rganini ma’lum qildi.

Bir kun avval ham Ozarboyjon Mudofaa vazirligi Armaniston qurolli kuchlari Ozarboyjon armiyasining Naxchivon Muxtor Respublikasidagi pozitsiyalarini o‘qqa tutgani haqida xabar bergan edi.