Rossiya Ukraina bilan urush qatnashchilariga Qrimdan yer beradi
Qrimda Rossiya qurolli kuchlari bilan shartnoma tuzgan Ukraina bilan urush qatnashchilariga hokimiyat yarimoroldan yer uchastkalarini beradi. Harbiy xizmatchining ro‘yxatdan o‘tgan joyi muhim emas.
Qrimda Rossiya qurolli kuchlari bilan shartnoma tuzgan Ukraina bilan urush qatnashchilariga hokimiyat yarimoroldan tekin yer uchastkalari beradi. Moskvaga bo‘ysunuvchi «Qrim respublikasi»ning «qonunchiligiga» tegishli o‘zgartirishlar kiritilishi 27 avgust, seshanba kuni uning «hukumati» saytida e’lon qilindi.
Nashrda ta’kidlanishicha, Rossiya Federatsiyasining bunday fuqarolari «Rossiya Federatsiyasi hududida ro‘yxatdan o‘tgan va yashash joyidan qat’i nazar» Qrimda yer olishlari mumkin. Shuningdek, «qonun» «rasmiy e’lon qilingan kundan boshlab 10 kun o‘tgach» kuchga kirishi aytiladi.
Rossiyaning TASS axborot agentligi qayd etishicha, shu paytgacha faqat yarimorol aholisi Qrimda Ukraina bilan urushda qatnashgani uchun hokimiyatdan yer olishi mumkin edi.
Rossiya armiyasi safarbarliksiz to‘ldirilmoqda
Rossiya frontdagi yo‘qotishlarning o‘rnini to‘ldirishga ulgurmayapti, u maksimal darajaga yetdi, deb yozadi Bloomberg. Ukraina qurolli kuchlarining Kursk viloyatidagi operatsiyasi Moskva mudofaa zaxiralari yo‘qligini ko‘rsatdi. Rossiya Mudofaa vazirligi va Kremlga yaqin manbalarga ko‘ra, shartnoma bo‘yicha harbiy xizmatchilar uchun to‘lovlar sezilarli darajada oshganiga qaramay, Rossiya hududlari chaqiruv kvotalarini o‘rtacha uchdan bir qismiga to‘ldirmayapti. Shu munosabat bilan, yil oxirigacha Rossiyada yangi safarbarlik e’lon qilinishini istisno qilinmaydi - ehtimol frontdagi harbiy xizmatchilarning «rotatsiyasi» sifatida.
Ayni paytda, RF qurolli kuchlari Rossiya qamoqxonalaridagi mahbuslarni yollashda davom etmoqda va Kursk viloyatida muddatli harbiy xizmatchilar shartnoma tuzishga majbur. Rossiya, shuningdek, global janubdagi mamlakatlar fuqarolarini faol ravishda jangga jalb qilmoqda, ularga yuqori maosh va fuqarolikni va’da qilmoqda. Ukraina qurolli kuchlariga taslim bo‘lgan bunday xorijliklar, va’dalarga zid ravishda, front chizig‘iga jo‘natilganini aytishdi.
Re: Russia loyihasi hisob-kitoblariga ko‘ra, 2023 yil iyulidan 2024 yil iyunigacha bo‘lgan 12 oy davomida Ukraina bilan urushda qatnashgan harbiy xizmatchilarga, shuningdek, yaradorlar va jangovar harakatlar paytida halok bo‘lganlarning yaqinlariga to‘lanadigan to‘lovlar 2,75-3 trln rublga teng bo‘lishi kerak edi. Bu Rossiyaning 2024 yilda kutilayotgan YaIM taxminan 1,5 foiziga teng.
Tavsiya etamiz
Tramp 2.0 o‘zgargan Yaqin Sharqqa nimalar va’da qilmoqda?
Jahon | 21:45 / 20.01.2025
3 ga 90. Isroil va Hamas o‘rtasidagi sulh qanday kechmoqda?
Jahon | 20:11 / 20.01.2025
Xalqaro tanlovda g‘olib bo‘lgan prezident maktabi o‘quvchilariga BYD sovg‘a qilindi
O‘zbekiston | 19:59 / 20.01.2025
“Eng xavfsiz parvoz tanlanadi” - Uzbekistan Airways osmondagi favqulodda holatlarga tayyormi?
O‘zbekiston | 17:03 / 20.01.2025
So‘nggi yangiliklar
-
Tramp inauguratsiya marosimida: «AQSh hukumati faqat ikki jinsni tan oladi»
Jahon | 03:50
-
The Guardian: Xalqaro jinoiy sud «eng yomon ssenariyga» tayyorlanmoqda
Jahon | 00:50
-
Latviyada Rossiya fuqarolarining ayrim sohalarda faoliyat yuritishi taqiqlanadi
Jahon | 00:18
-
Eron prezidenti Kremlda muzokaralarga kech qolgan Putinni kutishdan bosh tortgan
Jahon | 23:42 / 20.01.2025
Mavzuga oid
11:46 / 16.01.2025
Yerlar toifasini o‘zgartirish tartibi belgilandi
11:18 / 16.01.2025
Yer uchastkalarini ijaraga berish tartibi takomillashtirildi
07:43 / 16.01.2025
11,5 gektar yerni 32 ming dollarga sotmoqchi bo‘lgan shaxs ushlandi
15:57 / 11.01.2025