Qoʻshimcha funksionallar
-
Tungi ko‘rinish
Toshkentda bayram munosabati bilan arzonlashtirilgan savdo yarmarkalari tashkil etildi
Aholiga qulaylik yaratish maqsadida Mustaqillikning 33 yilligi oldidan Toshkent shahridagi “Aviasozlar” hamda “Eski Juva” dehqon bozorlarida savdo yarmarkalari faoliyati yo‘lga qo‘yilib, oziq-ovqat mahsulotlari nisbatan arzonroq narxlarda sotilmoqda.
Foto: Qishloq xo‘jaligi vazirligi
Yarmarkalarda sarxil mevalar, sabzavot hamda poliz ekinlari, shuningdek, tuxum, go‘sht, baliq, yog‘, non va non mahsulotlari xaridorlarga hamyonbop narxlarda taqdim etilmoqda.
Qishloq xo‘jaligi vazirligining ma’lum qilishicha, Toshkent shahri Yashnobod tumani “Aviasozlar” dehqon bozoridagi arzonlashtirilgan savdo yarmarkasi Buxoro viloyatidan keltirilgan qishloq xo‘jaligi hamda oziq-ovqat mahsulotlari bilan to‘ldirilgan.
Poytaxtimizdagi “Eski Juva” dehqon bozorida ham arzonlashtirilgan savdo yarmarkalari ishga tushirilib, rastalarga Qashqadaryo viloyatidan olib kelingan mahsulotlar joylangan.
Mas’ullarning ta’kidlashicha, savdo rastalari har kuni yangi va sifatli qishloq xo‘jaligi mahsulotlari bilan to‘ldirilmoqda, yeguliklarning sifati ustidan doimiy nazorat olib borilmoqda.
Plastik kartalar orqali ham oldi-sotdi ishlari yo‘lga qo‘yilgan.
Mavzuga oid
15:05 / 12.11.2024
Toshkent havosini ifloslantirishi mumkin bo‘lgan barcha obektlar nazoratga olindi - hokimlik
22:45 / 10.11.2024
Toshkentda «zakladchik»ni kaltaklagan uch nafar shaxs qo‘lga olindi
10:47 / 08.11.2024
Toshkentda ayrim ko‘chalar yopilishi haqidagi xabarlar rad etildi
16:17 / 07.11.2024