Isroil armiyasi G‘arbiy sohilda 135,2 mln dollarlik zarar yetkazdi

Isroil armiyasining davom etayotgan operatsiyasi ishg‘ol ostidagi G‘arbiy sohilda Jyenin shahriga 135,2 million dollarlik infratuzilmaviy zarar keltirdi. Bu haqda shahar meri Nidal al-Obaydiy «Anadolu» agentligiga ma’lum qildi.

Agentlik suhbatdoshi isroillik harbiylarning harakatlarini kuchli zilzila oqibatlari bilan solishtirdi.

«Eng katta yo‘qotish - odamlarning hayoti. Moddiy nuqtayi nazardan, Isroil kuchlari tomonidan yetkazilgan vayronagarchilik juda katta, jumladan, infratuzilmaga, suv va aloqa liniyalari hamda elektr transformatorlariga hujumlar», - dedi u.

Uning so‘zlariga ko‘ra, «falokat ko‘lami avvalgi amaliyotlar vaqtidagidan oshib ketgan».

«Shaharda zilzila sodir bo‘lgandek bo‘ldi – ulkan vayronalar, ko‘chalar, uylar vayron bo‘ldi va portlatib yuborildi», dedi al-Obaydiy.

Merning ta’kidlashicha, Isroil qo‘shinlari «shaharni ataylab vayron qilmoqda». «Operatsiya besh kun ketma-ket davom etmoqda va har kuni yangi vayronagarchilik va zararlar keltirmoqda», - deya qo‘shimcha qildi u.

U, shuningdek, harbiy amaliyot Jyeninning «ijtimoiy va iqtisodiy hayotini falaj qilganini» ta’kidladi. Al-Obaydiyning so‘zlariga ko‘ra, aholi asosiy ehtiyojlar keskin tanqisligiga duch kelgan.