Rossiyadagi maktabda o‘quvchi tengdoshlariga bolg‘a bilan hujum qildi
Bir necha o‘quvchi jarohat olgani ta’kidlanmoqda. Hujumchi qo‘lga olingan.

Foto: SHOT
Rossiyaning Chelyabinsk shahridagi maktabda o‘quvchi o‘z sinfdoshlari va o‘qituvchiga bolg‘a bilan hujum qildi. Oqibatda bir necha o‘quvchi jarohat oldi. Hujumchi «Rosgvardiya» tomonidan ushlandi.
Chelyabinskdagi 68-maktabga hujum 16 sentabr kuni ertalab sodir bo‘ldi. Tergov qo‘mitasi ma’lumotlariga ko‘ra, maktabning 13 yoshli o‘quvchisi «turli buyumlar bilan tengdoshlari va o‘qituvchisiga tan jarohati yetkazgan». Ayrim ma’lumotlarga ko‘ra, o‘quvchi binoga bolg‘a, pichoq va to‘pponcha olib kelgan.
Maktab o‘quvchilaridan birining aytishicha, hujum birinchi darsdan keyingi tanaffus vaqtida sodir bo‘lgan. Hujumchi biologiya kabinetiga bolg‘a bilan kirgan va o‘quvchilarga zarba bergan. O‘qituvchi ularni himoya qilishga uringan. Jabrlanganlar orasida ikki qiz, bir o‘g‘il va o‘qituvchi borligi ta’kidlanmoqda.
«Rosgvardiya» xodimlari voqea joyiga yetib borgan, hujum qilgan shaxs qo‘shimcha tergov o‘tkazish uchun politsiya bo‘limiga olib ketilgan.
Ba’zi ma’lumotlariga ko‘ra, tengdoshlariga hujum qilgan o‘smir maktab psixologida hisobda turgan va «o‘z joniga qasd qilish o‘yinlarining ishtirokchisi» bo‘lgan.
Chelyabinsk Sog‘liqni saqlash vazirligi xabariga ko‘ra, hujum qurbonlarining ikki nafari jarrohlik amaliyotiga yuborilgan, yana ikki nafari ixtisoslashtirilgan bo‘limlarga yotqizilgan va jarrohlik muolajaga muhtoj emas.
Tergov qo‘mitasi «qotillikni tashkil etish» va «mansab vakolatini suiiste’mol qilish» moddalari bo‘yicha jinoiy ish qo‘zg‘atganini ma’lum qildi. Birinchi moddaga ko‘ra, jinoyatchi umrbod, ikkinchisiga ko‘ra besh yilgacha ozodlikdan mahrum etilishi mumkin.
Tavsiya etamiz
Mask ketadi, DOGE ham o‘z faoliyatini to‘xtatadi – Tramp
Jahon | 18:12 / 01.04.2025
1 apreldan Rossiyadagi migrantlarga bir qator cheklovlar kuchga kirdi
Jahon | 17:12 / 01.04.2025
Maktablarni to‘liq 5 kunlik o‘qish va ish rejimiga o‘tkazish taklif qilinmoqda
O‘zbekiston | 16:53 / 01.04.2025
Yozda top-klublar «talashishi» kutilayotgan 11 hujumchi
Sport | 15:30 / 01.04.2025
So‘nggi yangiliklar
-
Chegara muammolari hal bo‘ldimi? Markaziy Osiyoning bugungi manzarasi – ekspertlar nigohida
Jahon | 18:24
-
Xitoyda kichik yadro batareyasini ishlab chiqarish yo‘lga qo‘yildi
Fan-texnika | 18:23
-
O‘zbekiston FIFA reytingida yuqoriladi
Sport | 18:22
-
AQSh Senati Kanada tovarlariga bojlarni bekor qilish uchun ovoz berdi
Jahon | 18:21
Mavzuga oid

21:14 / 02.04.2025
Rossiyada migrant bolalar uchun rus tili imtihoni shartlari kuchaytirildi

18:56 / 02.04.2025
Rossiyada chet el fuqarolarini ro‘yxatga olish masalalari bo‘yicha yangi xizmat tashkil etildi

17:34 / 02.04.2025
AQSh Alyaskani Rossiyaga qaytarish istiqbollarini muhokama qilmoqda

11:09 / 02.04.2025